ကျနော်နဲ့ Singapore 2010 YOG အပိုင်း (၃)

ရက်ပေါင်းများစွာ လပေါင်းများစွာစောင့်ဆိုင်းခဲ့ကြတဲ့ Singapore 2010 YOG ကိုရောက်ရှိလာခဲ့ကြပါပြီ။ ကျနော့်အတွက်တော့ လွန်ခဲ့တဲ့
Sunday 8th August မနက်ပိုင်းကစပြီးကိုယ်တာဝန်ကျတဲ့ YOV ကိုမနက် ၇ နာရီရောက်နိုင်ဖို့အတွက် မနက် ၅ နာရီခွဲထဲကစပြီး တက်
သုတ်ရိုက်ရပါတော့တယ်၊ ပထမဆုံးနေ့တွေမှာတွေ့တက်ရလေ့ရှိတဲ့နေရာရှာမရတဲ့ကိစ္စတွေဖြစ်မှာဆိုးလို့ ကြိုတင်သွားတာလဲပါပါတယ်။
သူတို့ပေးထားတဲ့ Limited Edition Visa Card ကတော့မနက်ရထားလက်မှတ်ဖြတ်တဲ့အချိန်မှာသုံးလို့မရသေးဘူးဆိုတာသိလိုက်တော့
ကိုယ့်ကိုယ်ပိုင်ရထားစီးတဲ့ကဒ်ကိုပဲစီးပြီးသွားလိုက်ပါတော့တယ်။ အစောထဲကစေတနာ့ဝန်ထမ်းလုပ်ပါမယ်လို့ဆိုထားပြီဒီလောက်လေး
မှအိတ်ထဲကစိုက်မထုတ်ချင်လဲသိပ်မကောင်းပါဘူးလေလို့ကိုယ့်ဟာကိုဖြေတွေးမိလိုက်သေးတယ်။ YOV ကို သွားဖို့ shuttle bus စီးလို့
ရတဲ့ boon lay station ရောက်တော့အပေါက်ဝကနေစပြီးကဒ်ပြားကိုစစ်ဆေးပါတော့တယ်။ ၅ မိနစ်လောက်ပဲစောင့်ရပြီး YOG Give Way
Bus နဲ့ သွားတာ ၁၅ မိနစ်လောက်ကြာမှအဓိကဝင်ပေါက်ကိုရောက်တော့၆နာရီ ၄၀လောက်ရှိနေပြီ။ အမြန်လမ်းလျှောက်သွားတာတောင်
လုံခြုံရေးစစ်ဆေးတဲ့ဂိတ်ကိုရောက်ဖို့ ၈ မိနစ်နီးပါးလောက်လျှောက်လိုက်ရတယ်။ ဒီကြားထဲလမ်းညွှန်တဲ့ဆိုင်းဘုတ်ကပျောက်သွားလို့
နည်းနည်းလေးလည်သွားသေးတယ်ဗျာ။ လုံခြံရေးဂိတ်မှာတော့ကျနော်တို့ရဲ့ YOG ID ကဒ်ကို scan လုပ်ပြီးစစ်ပါတယ်၊ ရဲကတဖက်ကနေ
computer monitor ကိုကြည့်နေပြီး၊ monitor မှာတော့ကျနော်ဓာတ်ပုံနဲ့ကိုယ်ရေးအချက်အလက်တွေပေါ်လာတာတွေ့ရတယ်။ ပေါ်လာ
တဲ့ဓာတ်ပုံနဲ့ကျနော်မျက်နာတူမတူ၊ ကဒ်ပြားကဓာတ်ပုံတူမတူ ၃ ခုတိုက်ဆိုင်စစ်ဆေးပြီးမှဝင်ခွင့်ပြုလိုက်ပါတယ်။ နောက်တစ်ဆင့်မှာ
တော့ပါလာတဲ့ပစ္စည်းတွေကို X-ray စက်နဲ့စစ်ဆေး၊လူကိုတော့တစ်ကိုယ်လုံးအသေးစိတ်သတ္တုရှာဖွေရေးကိရိယာနဲ့ရှာပါတယ်။ နည်းနည်းလေးအသံထွက်တာနဲ့ထွက်တဲ့နေရာကိုလှန်ပြရတယ်ဗျ၊တော်သေးတယ်၊ မတော်ရာနေရာကထမည်လို့တော်ကြာချွတ်ရှာပါမယ်
ဆိုပိုကြာနေမယ်။ အဲ့ဒီကနေကျွန်တော့်ရုံးကိုတက်သုတ်ရိုက်သွားရတာ၊ ရုံးထဲကိုခြေချမိတော့မနက် ၇ နာရီအတိပါပဲ။

မန်နေဂျာကကျနော့်ကိုအားကစားသမားတွေနေတဲ့အဆောင်တွေဖက်မှာရှိတဲ့ကျနော်တို့ HR Division ရဲ့ centre 2 ကိုသွားဖို့မြေပုံနဲ့
လမ်းညွှန်ပြီးသွားခိုင်းပါတယ်။ internal shuttle bus စီးဖို့ပြောတော့ bus stop ကိုအတော်ကြိုးစားရှာပြီးတဲ့အခါမှာရှာတွေပါတယ်။ သူပြောလိုက်တဲ့အတိုင်း ၃ မိနစ်ခြားတစ်ခါလာတယ်ဆိုတာအမှန်ပါပဲ၊ YOG အရောင်လုပ်ထားတဲ့ SBS Bus ကားတွေပါ။ ကြုံတုံးလေး ထူးထူးခြားခြားလေးပြောချင်တာကတော့ကားနံပါတ်တိုင်းဟာ YOG နဲ့စတဲ့နံပါတ်တွေပါ။ နောက်တော့ကားလေကာမှန်မှာ GIVE WAY ဆိုတဲ့စာတမ်းကြီးကို ရှေ့ကကားရဲ့နောက်ကြည့်မှန်ထဲမှာအတည့်မြင်ရအောင်ပြောင်းပြန်စာလုံးနဲ့ကပ်ထားပါတယ်။ စလုံးအစိုးရကYOG ကိုဘယ်လိုအရေးတယူပြုတယ်ဆိုတာကိုပြချင်တာရယ်၊အားကစားသမားတွေပြိုင်ပွဲကျင်းပတဲ့နေရာတွေကိုလမ်းကြောရှင်းရှင်းနဲ့သွားလို့ရအောင်ရယ်ဆိုတဲ့ရည်ရွယ်ချက်တွေနဲ့စလုံးအစိုးရကုန်လမ်းပို့ဆောင်ရေးဝန်ကြီးဌာန(LTA)ကနေအဝေးပြေးလမ်းမကြီးတွေနဲ့အထင်ကရ လမ်းမကြီးတွေရဲ့အလည်ကြောကို YOG GIVE WAY LANE ဆိုပြီးတီထွင်ဖန်တီးပေးခဲ့ပါတယ်။ ဒီလမ်းကြောင်းပေါ်ကနေမောင်းနှင်လာတဲ့
YOG Bus နဲ့အခြား YOG မော်တော်ယာဉ်တွေကိုယာဉ်ကြောမပေးပဲရှေ့ကမောင်းမယ်ဆိုရင် bus တွေမှာတက်ဆင်ထားတဲ့ camera တွေ
ကနေဓာတ်ပုံရိုက်မှတ်တမ်းတင်ပြီးဒဏ်ငွေ S$၁၃၀ ထိပေးဆောင်ရမယ်လို့ကြေငြာထားပါတယ်။ ဒါမယ့်ကြိုတင်လမ်းရှင်းပေးဖို့အတွက်
YOG နံပါတ်တက်ဆင်ထားတဲ့ကားတွေဟာမီးနီမီးပြာတွေနဲ့ကြိုတင်သတိပေးမယ်လို့ဆိုပါတယ်။

ခုနကအကြောင်းကိုဆက်ရရင်တော့ကျနော်သွားချင်တဲ့နေရာကိုရောက်ပေမယ့်ကျနော်တို့ရုံးခန်းအမှတ် ၂ ကိုရှာမတွေ့ဖြစ်နေပါတယ်။
မြေပုံကိုထပ်ခါထပ်ခါကြည့်သော်လည်းတစ်ဝဲလည်လည်ဖြစ်နေတဲ့အဆုံးမန်နေဂျာကိုဖုံးဆက်မယ်ဆိုပြီးလုပ်နေတုံးမှာတော့ asst mngr
ကိုတွေ့ပါတော့တယ်။ အလုပ်ကမစရသေးဘူးကျနော်အတော်ကိုညောင်းညာသွားတယ်။ ဒီကြားထဲမနက်စာကမစားရသေးတော့ပိုဆိုး၊
မနက်စာသွားစားဖို့လဲစားစရာနေရာကိုရှာဖို့ရာလမ်းလျှောက်ရအုံးမယ်ဆိုတော့ခဏတော့သည်းခံပါလိမ့်အုံးမယ်ဆိုပြီးနေလိုက်ရတယ်။
ဒုတိယမန်နေဂျာကလဲလေကြောရှည်လိုက်တာကိုမပြောပါနဲ့တော့၊ ထားပါတော့သူ့မှာလဲကျနော်ကပထမဆုံးသူ့Volunteer ဝန်ထမ်းဆို
တော့ရှင်းပြစရာတွေကိုရှင်းပြရသေးတာပေါ့။ ကျနော့်တို့ centre 2 ကတော့ပြောရရင်တကယ့်ကိုစတိုခန်းကြီးပါပဲ။ စက္ကူကာတွန်းပုံးတွေနဲ့ရှပ်ယှက်ခပ်ပြီးတော့ကုလားထိုင်တွေကလဲဇောက်ထိုးမိုးမျှော်တွေပါ။ တော်တော်လေးကြာတော့ကျနော့်အတွက်
အဲ့ဒီနေ့အတွက်တွဲဖက်ပေးဖို့အတွက်နောက်ထပ် volunteer တစ်ယောက်တစ်ဝဲလည်လည်နဲ့ရောက်လာပါတယ်။ သူရောက်လာတော့
အတော်ပဲပေါ့နံနက်စာသွားစားမယ်ဆိုတော့မနက် ၇ နာရီလာတဲ့တာဝန်ချိန်အတွက်နံနက်စာမပါဘူးဆိုပြန်တယ်။ မနက်ကလဲကိုယ့်ဟာ
ကိုရထားစီးလာရပြီးပြီ၊ အခုလဲနံနက်စာကိုယ့်ဟာကိုစားရအုံးမယ်ဆိုတော့ကျနော်နည်းနည်းတော့စိတ်တိုစပြုလာပါပြီ။ ကဲထားပါတော့လေ
သူတို့မှာလဲပထမဆုံးနေ့ဆိုတော့နည်းနည်းတော့အခြေအနေအမှန်မရနိုင်သေးဘူါ်အခက်အခဲတွေရှိမှာပဲလို့ဖြေတွေးပြီးခုနကအဆောင်
ပြင်ကနေမလာတဲ့ရေဗူးတွေထဲကတစ်ဗူးသောက်ပြီးနေလိုက်ရတော့တယ်။ ဒါနဲ့ခုနကတွေ့ခဲ့တဲ့အချိုရည်စက်ကိုမျက်လုံးထဲမြင်လာတော့
အစားမစားရလဲ 100 plus လောက်တော့ရမှာပဲဆိုပြီးသွားဝယ်တာ ၁၀ပြားလိုနေပြန်ရောဗျာ။ ဒီနေ့အဖို့ကံမလိုက်ဖြစ်နေပုံများနော်။
အလုပ်မလုပ်ရရင်မနေတက်တော့ကျနော်တို့ရဲ့စတိုခန်းကြီးကိုရှင်းလင်းပြီးစားပွဲနဲ့ထိုင်ခုံတွေကိုနေသားတကျဖြစ်အောင်လုပ်လိုက်တော့
အတော်ကိုနေသားတကျဖြစ်ပြီးကြည့်ကောင်းသွားပါတယ်။

မနက် ၁၀နာရီထိုးလောက်တဲ့အချိန်ထိဘယ်သူမှattendence နဲ့နေ့လည်စာစားဖို့လက်မှတ်ကိုလာမယူကြပါဘူး။ ကိုယ်ကပဲသူတို့ထမင်း
ငတ်မှာကိုစိုးရိမ်လို့ကိုယ်ချင်းစာစိတ်နဲ့နေ့လည်စာကူပွန်ကိုဘယ်နေရာမှာလာယူနိုင်ကြောင်းအကြောင်းကြားဖို့ကျနော့်တွဲဖက်ကိုစီစဉ်
ခိုင်းလိုက်ပါတယ်။ စီမံခန့်ခွဲမှုဝန်ထမ်းဆိုတော့ဘယ်သူ့ကိုဘယ်လိုခိုင်းရင်ကောင်းမလဲပဲစဉ်းစားနေတာ။ ထင်ထားတဲ့အတိုင်းပဲဘယ်သူမှ
အဲ့ဒီဟာတွေကိုလာယူရမယ်၊ဘယ်နေရာမှာလာယူရမယ်ဆိုတာမသိကြပါဘူး။ သို့သော်လည်းသူတို့လာယူတဲ့အခါသူတို့နာမည်တွေက
စာရင်းထဲမှာမရှိတာက ၉၀%လောက်ဖြစ်နေကြပါတယ်။ စာရင်းထဲမှာမရှိရင်နေ့လည်စာကူပွန်မရဘူးဆိုလို့ကတော့အတော်ကိုမကောင်း
တာဖြစ်သွားမှာဆိုတော့ကိုယ့်သဘောနဲ့ကိုပဲစဉ်းစားဆုံးဖြတ်ပြီးလာတဲ့သူတွေကိုmanual နဲ့မှတ်ထားပြီးအပိုပါလာတဲ့ကူပွန်တွေကိုစဝေပါ
တော့တယ်။ ကျနော့်တွဲဖက်ကတော့ဖြစ်ပါ့မလားပုံစံနဲ့ကျနော့်ကိုကြည့်နေလေရဲ့။ ၁၁း၃၀လောက်တော့မနက်စာမစားရသေးတဲ့ကျနော်
သည်းမခံနိုင်တော့တာနဲ့ရုံးခန်းကိုပိတ်ပြီး၊နေ့လည်စာကျွေးမယ်လို့ပြောတဲ့စားသောက်ခန်းမစီကို internal shuttle bus စီးပြီးသွားတဲ့
အခါမှာတော့စားသောက်ခန်းမဟာပိတ်ထားပြီးကျွေးဖို့အစီအစဉ်လဲမရှိဘူးလို့ဆိုပါတယ်။ ဒါမယ့် orange juice တစ်ဗူးရလိုက်တော့မဆိုး
ဘူးလို့ပြောရမှာပေါ့လေ။ ကျနော်တွဲဖက်ကိုကျနော်တော့သူတို့နေ့လည်စာကိုမစောင့်တော့ပဲ retail zone မှာရှိတဲ့ macdonal ကိုသွား
တော့မယ်ဆိုတော့သူလဲလိုက်မယ်ဆိုတာနဲ့အဲ့ဒီကိုနှစ်ယောက်သားချီတက်ကြပြီးစားဖို့ထိုင်ကာရှိသေးတယ်၊ကျနော့်ကိုပေးထားတဲ့ဖုံးက
မြည်လာတာနဲ့ပြန်ဖြေတော့နေ့လည်စာကူပွန်လာယူကြတဲ့လူတွေကျနော်တို့ရုံးခန်းရှေ့မှာတန်းစီစောင့်နေတဲ့အကြောင်းပြောတာပါ။
ကျနော့်မှာ burger ကိုအမြန်ပလုတ်ပလောင်းစား၊ အချိုရည်နဲ့မျှောချပြီးအမြန်ပြန်ပြေးရပါတယ်။ ဒါပေမယ့်အစားဝင်သွားပြီဆိုတော့ပြေးရ
တာအားအပြည့်နဲ့ပေါ့ဗျာ။

တစ်နေကုန်ဘာဆိုဘာမှလုပ်စရာမရှိတဲ့အခန်းထဲမှာထိုင်နေရာတော့ပျင်းပျင်းရှိတာနဲ့နည်းနည်းလေးတောင်မှေးလိုက်သေးတယ်။ ညနေ
၃နာရီခွဲရောက်တော့ကျနော့်တို့အတွက်တာဝန်လဲပေးမယ့်နောက်ထပ် volunteer ၂ယောက်ထပ်ရောက်လာတော့ handover လုပ်ပြီး
ကျနော့်ရဲ့ YOG ပထမနေ့တာဝန်များကိုအလွဲလွဲအချော်ချော်နဲ့ပြီးဆုံးသွားခဲ့ပါတော့တယ်။

ဒုတိယနေ့ (09/08/2010) National Day of Singapore

စင်္ကာပူနိုင်ငံရဲ့အမျိုးသားနေ့ဖြစ်လို့ကျနော့်ရုံးကပိတ်သော်လည်း YOG အတွက်မနက် ၅နာရီထရပြန်ပါတယ်။ ဒီမနက်မှာတော့မနက် ၆နာရီခွဲမှာတာဝန်စမှာမို့လို့မနေ့ကထဲက taxi နဲ့လာဖို့တခြားနီးစပ်ရာမှာနေတဲ့ volunteer တစ်ယောက်နဲ့စီစဉ်ပေးထားလို့ငွေမကုန်ပဲ
YOV ကိုချောချောမောမောရောက်လာပါတယ်။ taxi ခကိုတော့ VOG Special E-Voucher နဲ့ပေးတာဆိုတော့ကားသမားကကဒ်ကိုဖြတ်
တာစက်ကမဖတ်လို့ကျနော့်မှာမနေ့ကလိုများကဒ်က activate မဖြစ်သေးတာလားဆိုပြီးစိတ်ပူရသေးတာတော်သေးတယ်နောက်ဆုံးမှာ
တော့စက်ကဖတ်ပြီးပေးလိုက်နိုင်လို့သက်ပျင်းကျိတ်ချနိုင်ပါတယ်။

ဒီနေ့တော့ကျနော်တို့ရဲ့ HRW Main Centre မှာနေဖို့ပြောတာကြောင့် Main Centre အတွက်လိုအပ်တာတွေ၊ Centre 2 အတွက်လိုအပ်
တာတွေကိုမနေ့ကတုံးကတွေ့ခဲ့ရတဲ့အားနည်းချက်တွေကိုအခြေခံပြီးပြင်ဆင်ပေးလိုက်ပါတယ်။ သိတဲ့အတိုင်းစလုံးတွေရဲ့အကျင့်ဖြစ်တဲ့ ကိုယ်တိုင်သာမလုပ်တက်ပေမယ့်သူများလုပ်ထားတာဆိုရင်တော့ဝေဖန်အကြံပြုတာတွေများနေတော့သည်းခံသည်းခံဟဲ့လို့ကိုယ့်ဟာကို
ဆုံးမပြီးအစဉ်ပြေအောင်ကြည့်စီစဉ်ပေးလိုက်ပါတယ်။ ကျနော့်တို့ section မှာက ၈၀% လောက်ကကျောင်းသားကျောင်းသူတွေဆိုတော့
ဒီလိုစာရွက်စာတမ်းတွေမှာအတွေ့အကြုံမရှိတော့အားလုံးကယောင်ဝါးဝါးပါပဲ။ လူစွမ်းအားအရင်းအမြစ်တွေကိုစီမံခန့်ခွဲတဲ့ဌာနကြီးမှာကို
ကသူ့ကိုယ်ပိုင်လူစွမ်းအားတွေကိုအကျိုးရှိအောင်မသုံးစွဲတက်တော့တစ်ရွာလုံးရဲ့လူတွေကိုစီမံခန့်ခွဲပေးဖို့ဆိုတာတော့အလွန်အားနည်း
နေတယ်ဆိုတာကိုတွေ့ရတယ်။ ကိုယ်စီဘာတာဝန်ယူပြီးဘာလုပ်ကြရမယ်ဆိုတာကိုလဲမစီမံထားတော့အားလုံးဘာလုပ်လို့ဘာကိုင်ရမှန်း
မသိဖြစ်ပြီးလူ့သားအရင်းအမြစ်တွေကိုဆုံးရုံးစေပါတယ်။ ကျနော်တို့ main centre ရဲ့ကပ်ရပ်မှာတော့နားနေခန်းရှိတော့လာနားကြတဲ့
တခြား devision တွေက vounteer တွေရှိတော့စကားပြောကြရင်းတစ်ယောက်နဲ့တစ်ယောက်မိတ်ဆွေတွေသူငယ်ချင်းတွေဖြစ်လာကြ
တာတွေ့ရတာတော့အလွန်ကောင်းတဲ့အချက်ဖြစ်ပြီး၊ ကျနော်တို့ HRW Division ရဲ့ရည်မှန်းချက်တစ်ချို့အောင်မြင်တယ်လို့ပြောလို့ရမှာ
ပါ။ နားနေခန်းထဲမှာအရင်တခေါက်ကရေးထားတဲ့ facilities တွေအပြင်ထပ်ရောက်လာတဲ့ပစ္စည်းတွေကတော့ water cooler နဲ့ကော်ဖီ
ဖျော်တဲ့စက်တွဲထားတဲ့စက် ၃ လုံးနဲ့ OSIM က sponsor လုပ်ပေးတဲ့အနိုပ်စက် ၂ လုံးတို့ပါပဲ။ ဒီအနိုပ်စက်ကတော့အစည်ကားဆုံးနဲ့အား
အပေးခံရဆုံးပစ္စည်းပါပဲ။

အဲ့ဒီနေ့ကတစ်နေကုန်လုပ်ကြတဲ့အလုပ်တစ်ခုကတော့ Village တစ်ခုလုံးမှာရှိတဲ့ Volunteer အယောက်ပေါင်း ( ၅၀၀၀) လောက်ရဲ့ ရင်ဖက်မှာထိုးတဲ့Name Tag တွေကိုအင်္ဂလိပ်အက္ခရာစဉ်အတိုင်းစီကြတဲ့အလုပ်ပါ။ ပြောရင်တော့အလွန်လွယ်သော်လည်းအယောက်
၅၀၀၀ သောနာမည်တွေကိုစီရတာဖြင့်အတော်ကိုလက်ဝင်တယ်လို့ပြောရမှာပါ။ Village ကြီးဟာအင်အားအပြည့်အလုပ်မလုပ်ရသေးတဲ့ အတွက်လာယူတဲ့ volunteer အရည်အတွက်ကနည်းတော့နားနေခန်းအပြည့်စားပွဲတွေပေါ်မှာ name tag တွေကိုခင်းကျင်းပြထားတာ
သိသိသာသာလျော့ကျသွားတယ်လို့မတွေ့ရပါဘူး။ ဒီလိုနဲ့ညနေ (၄)နာရီထိုးတာဝန်ချိန်ပြီးတော့သတင်းရထားတဲ့ retail zone မှာဖွင့်
ထားသောဆံပင်ညှပ်ဆိုင်ကိုသွားပြီးအလကားအားပေးခဲ့ပါသေးတယ်။ သူတို့ကအလကားညှပ်ပေးပါတယ်ဆိုမှတော့သွားမညှပ်လို့
မကောင်းဘူးလေ၊ ပြီးတော့ဒီ YOG ကြောင့်ပဲကျနော်မှာဆံပင်ညှပ်ဖို့အချိန်မရှိပဲဖြစ်နေတာကိုဖြေရှင်းပြီးသားဖြစ်သွားတော့မနေ့ကငတ်ခဲ့
တဲ့မနက်စာအတွက်ဘဲစားဘဲခြေပေ့ါဗျာ။

ကျနော့်ရဲ့ schedule အရနောက်ထပ် (၈) ရက်ထပ်ပြီး YOG အတွက် Volunteer လုပ်ပေးသွားရအုံးမှာဆိုတော့နောက်ပိုင်းအပိုင်းတွေမှာ
လဲနေ့စဉ်ကြုံရတဲ့အတွေအကြုံလေးတွေဆက်ရေးသွားမယ်လို့စိတ်ကူးထားပါကြောင်း ...

ဖတ်ဖို့ဆန္ဒရှိသေးရင် ကျနော်နဲ့ Singapore 2010 YOG အပိုင်း (၄)သို့