ကျနော်နဲ့ Singapore 2010 YOG အပိုင်း (၄)

ဒီနေ့ဆိုရင်တော့ Singapore Youth Olympic Game စခဲ့တာ ၆ ရက်မြောက်သွားခဲ့ပါပြီ။ ကျနော်တာဝန်ကျနေတဲ့ YOV မှာတော့ကျနော် ၅ရက်တာဝန်ထမ်းဆောင်ပြီးပြီဖြစ်ပါတယ်။ ဒီအပိုင်း ၄ မှာတော့ YOG ရဲ့ကောင်းတာတွေထက်ဆိုးရွားတဲ့အကြောင်းတွေကိုပိုရေးဖြစ်မယ်
လို့ထင်တယ်ဗျာ။ အဆိုးမြင်ဝါဒရှိတွေများတယ်ပဲပြောပြော၊အကောင်းမမြင်နိုင်ဘူးပဲဆိုဆိုအမှန်ကိုတော့ရေးပြရမယ်လို့ကျနော်ယူဆ
မိတယ်။ အဆိုးတွေမပြောခင်အကောင်းလေးစပြောရရင်တော့သြဂုတ်လ ၁၅ ရက်နေ့မှာကျရောက်တဲ့ကျနော့်ရဲ့ ၃၁ နှစ်မြောက်မွေးနေ့
ကို ၁၄ရက်နေ့နဲ့၁၅ရက်နေ့အကူးညလည်ကောင်မှာ YOV ရဲ့ HRW Centre 1မှာကျနော့်လုပ်ဖော်ကိုင်ဖက်တခြားVolunteer ၆ယောက် နဲ့အတူမွေးနေ့celebrate လုပ်ကြပြီးကျနော်အတွက်ပထမဆုံးမွေးနေ့လက်ဆောင်ကို YOG 2010 ကနေလက်ခံရရှိခဲ့ပါတယ်။ တကယ်တော့ကျနော့်တာဝန်ချိန်က ၁၄ရက်နေ့ည ၁၁၃၀မှာပြီးမယ်ဆိုပေမယ့်မွေးနေ့မှာအလုပ်လုပ်ရင်လက်ဆောင်ရမယ်ဆိုတော့
မန်နေဂျာကည ၁၂ နာရီထိနေလိုက်ရင်ရမယ်ဆိုလို့နေဖြစ်သွားတာပါ။ အဲ့ဒီနေ့ကအိမ်ကို မနက် ၂နာရီထိုးခံနီးမှပြန်ရောက်ပါတယ်။
အဲ့ဒီနေ့ကတော့လုပ်စရာမယ်မယ်ရရမရှိပဲ Opening Ceremony Live Show ကိုပဲအကုန်လုံးထိုင်ကြည့်ဖြစ်ခဲ့တာပါ။ အစမ်းလေ့ကျင့်တုံး
ကရှုပ်ယှက်ခပ်ပြီးအကြည့်ရဆိုးသလောက်တကယ့်နေ့မှာတော့အတော်လေးမဆိုးဘူးလို့ပြောရမှာပါ။ ဖွင့်ပွဲရဲ့တကယ့်အသက်အပါဆုံးနဲ့
အကောင်းဆုံးကတော့မီးရှူးတိုင်ကို Marina Bay ရေပြင်ထဲကနေ Phoenix ငှက်ပုံစံပြုလုပ်ထားတဲ့ရေယာဉ်တစ်ခုကရှေ့ပြေးနဂါးလှေ ၁၀စင်းနဲ့အတူသယ်ဆောင်လာတဲ့ပြကွက်ပဲဖြစ်ပါတယ်။ ငှက်ရဲ့တောင်ပံတွေကိုရေပန်းနဲ့သရုပ်ဖော်ထားပြီးမီးရောင်စုံတွေကြောင့်အရမ်း
ကိုလှပပြီးမဟာဆန်တဲ့မီးရှူးတိုင်သယ်ဆောင်တဲ့ပြကွက်လို့ပြောရမှာပါ။ လှေကိုကမ်းခြေမှာကပ်တာမဟုတ်ပဲရေပေါ် platform တစ်ခု
မှာကပ်ပြီးမီးရှူးတိုင်သယ်ဆောင်တဲ့သူက platform ပေါ်ကနေပြေးပြီးလက်ဆင့်ကမ်းသွားတာဖြစ်ပါတယ်။ နောက်ဆုံးကိုင်ရတဲ့သူက
တော့စလုံးရွက်လှေအသင်းရဲ့ World Champion 2 ခါရထားတဲ့အသက် ၁၆ နှစ်အရွယ်ကောင်လေးတစ်ယောက်ပါ။

ဖွင့်ပွဲအခမ်းအနားပြီးလို့အားကစားသမားကလေးတွေနဲ့အတူပါသွားတဲ့လမ်းပြ၊ စကားပြန်၊ နိုင်ငံကိုယ်စားပြုကိုယ်စားလှယ်များရဲ့အရာရှိ
တွေကျနော်တို့ YOV ကိုပြန်လာတဲ့အချိန်မှာတော့ပြသနာနဲ့စတွေ့ရပါတော့တယ်။ ၂၀၁ နိုင်ငံသောနိုင်ငံတွေရဲ့စကားပြန် volunteer တွေအတွက်ညလည်စာကူပွန် ၂၀၀ ကိုသူတို့မန်နေဂျာကတောင်းဆိုလာပါတယ်။ ကျနော်တို့ division ကကူပွန် ၂၀၀ ကိုချက်ချင်းပေး
လိုက်နိုင်ပေမယ့်စားသောက်ခန်းမှာလူ ၂၀၀ အတွေက်စားစရာအသင့်ရှိမနေပါဘူး။ ဒီကြားထဲဖြစ်ပုံကပွဲစဖို့တောင်မကြံသေးဘူး Marina Bay မှာတာဝန်ကျတဲ့စလုံးစစ်တပ်ရဲ့လုပ်အားပေးတစ်ယောက်ကသူရတဲ့စားစရာဘူးမှာပါတဲ့လုံးဝအစဉ်မပြေသောစားစရာကိုဓာတ်ပုံရိုက်
ပြီးအွန်လိုင်းပေါ်တင်လိုက်လို့နောက်နေ့သတင်းစာကြီးတွေနဲ့အထင်ကရအွန်လိုင်းဝက်ဆိုဒ်တွေမှာချက်ချင်းအထူးသတင်းကြီးတွေအနေနဲ့
ဖော်ပြလိုက်တာစလုံးနိုင်ငံသားများရဲ့အကျင့်အတိုင်းဝက်ဝက်ကွဲအောင်မီဒီယာမျိူးစုံကနေ feedback တွေတက်လာပါတော့တယ်။

ဒီပြိုင်ပွဲကြီးတစ်ခုလုံးအတွက်အစားအသက်ကန်ထရိုက်ကိုတော့အစိုးရဲ့နဲ့ပတ်သတ်မှူရှိတဲ့ SATs ဆိုတဲ့အင်အားကြီး public listed company ကြီးတစ်ခုရဲ့လက်အောက်ခံ Singapore Food Industry (SFI) နဲ့ဒေါ်လာ ၅.၅သန်းတန်စာချုပ်နဲ့ချုပ်ဆိုထားတယ်လို့ဆိုပါ တယ်။ ဒီအစားအသောက်ညံဖျင်းမှုရဲ့ဂရက်ကြောင့်ကျင်းပရေးကော်မတီဟာကန်ထရိုက်နဲ့အလျှင်အမြန်ညှီနှိုင်းမှူတွေပြုလုပ်ပြီးတော့
အစားအစာတွေအားလုံးအတွက်ပိုမိုကောင်းမွန်စေရပါမယ်လို့ကတိပြုသွားခဲ့ပါတယ်။ ဒါကြောင့်ကျနော်တို့ YOV မှာတော့ညတွင်းချင်း
အစားအသောက်တင်သွင်းတဲ့ကန်ထရိုက်ကိုအပြောင်းအလဲလုပ်ကြပါတယ်။ ကျနော်စိတ်ထင်တာပြောရရင်တော့ ၅.၅သန်းတန်စာချုပ်
ကတော့လွယ်လွယ်လေးပျက်သွားမှာမဟုတ်တဲ့အတွက်လူအများအမြင်လဲကောင်းအောင်သူမှာလဲမနိုင်တာတွေလုပ်နေရတာကိုလျော့ကျ
စေတဲ့အနေနဲ့ SFI လက်အောက်ခံနောက်ထပ် company လေးတစ်ခုကိုတာဝန်ခံဖို့ပြန်ပေးလိုက်တယ်လို့ပဲထင်မိတယ်။ တခြားနေရာ
တွေမှာတော့ SFI ကနေပဲဆက်ပြီးအစားအစာတွေကျွေးတယ်လို့သိရတယ်။ သိသိသာသာပါပဲကန်ထရိုက်ပြောင်းပြီးတဲ့အခါမှာတော့ အစားအသောက်အတော်လေးကောင်းလာတာတွေ့ရတယ်။ ဒီလိုကန်ထရိုက်ကိုပြောင်းလဲနေရတဲ့အတွက်ခုနကလူအယောက် ၂၀၀ အတွက်ညလည်စာစီစဉ်ပေးဖို့ဆိုတာဘယ်နည်းနဲ့မှမဖြစ်နိုင်ပါဘူး။ အဲ့ဒီတော့လူတွေကဆူဆူပူပူတွေလုပ်ကြပါတယ်။ အဖြူကောင်တစ်
ယောက်ဆိုရင်သူ့မှာသယ်ယူပို့ဆောင်ရေးမှာအစဉ်မပြေလာရတဲ့အထဲစားစရာကလဲမရတော့အတော်ကိုဆူပူသွားပြီးဒီပွဲကြီးဟာစင်္ကာပူ
အတွက်သိပ်ကြီးပြီးအစစအရာရာလိုအပ်ချက်တွေနဲ့ပြည့်နေတယ်လို့စိတ်ဆိုးဆိုးနဲ့ပြောသွားပါတယ်။ တကယ်လဲဟုတ်နေတယ်လို့ပြော
ရမှာပါ။ တချို့နေရာတွေမှာလိုအပ်ချက်တွေရှိနေပေမယ့်အားကစားသမားတွေအတွက်တော့အဲ့ဒီနေ့ကစားစရာတွေည ၁ နာရီထိုးတဲ့
အထိတောင်အစဉ်သင့်ရှိနေတာတွေ့ရပါတယ်။

၁၆.၀၈.၂၀၁၀

နောက်နေ့ညနေပိုင်းအလုပ်အတွက်တာဝန်ကျတဲ့နေ့ကတော့ဒီ YOG Volunteer တောက်လျှောက်မှာအပင်ပန်းဆုံးအလုပ်လို့ပြောရမှာ
ပါ။ Village ကြီးတစ်ခုလုံးဟာ ၂၁ ရာစုရဲ့ခေတ်မှီသောကမ္ဘာ့ပထမတန်းစားအဆင့်မှာရှိနေပေမယ့်ကျနော်တို့ HRW အခန်းတွေမှာအလုပ် လုပ်ကြရတဲ့ပုံစံကတော့ ၁၉ရာစုခေတ်ကာလကကွန်ပြုတာမပေါ်ခင်ခေတ်တစ်ခုမှာအလုပ်လုပ်နေရတယ်လို့ကိုယ့်ကိုကိုယ်ခံစားမိပါတယ်
ဖြစ်ပုံကတော့အဲ့ဒီနေ့မှာသူတို့ရဲ့အစီအစဉ်တစ်ခုဖြစ်တဲ့ world culture programm မှာလုပ်အားပေးကြတဲ့ စင်္ကာပူ ရဲ့ အထက်တန်းကျောင်းတစ်ချို့ကကလေးတွေရဲ့လုပ်အားပေးကာလနောက်ဆုံးနေ့ဖြစ်ပြီးသူတို့အတွက်ရမယ့် အသိအမှတ်ပြုကြောင်း
လက်မှတ်၊ YOG Limited Edition ရင်ထိုးနဲ့၊ Universal Studio မှာပြုလုပ်မယ့် party ဝင်ခွင့်တို့ကိုထုတ်ပေးဖို့ဖြစ်ပါတယ်။ certificate
တွေဟာနာမည်နဲ့တကွရှိနေတာကြောင့်ဘယ်သူဟာတော့ဖြင့်ဘယ်ပုံးထဲမှာရှိနေတယ်ဆိုတာကိုရှာဖို့ဖြစ်လာပါတယ်။ လူပေါင်း ၅၀၀၀ လောက်ကိုတစ်ပုံးစီဖွင့်ရှာဖို့မဖြစ်နိုင်တာကြောင့်ပုံးနံပါတ်တွေပေးထားပြီးဘယ်ပုံးမှာဘယ်သူဆိုတာကိုပုံနိုပ်စက်ကစီစဉ်ပေးလိုက်ပါတယ်။
ခက်တာကရှာဖို့အတွက် A3 size စာရွက်ကြီးတွေမှာ printing လုပ်ထားတဲ့သူတို့ရဲ့နာမည်တွေ၊ ပါဝင်ရတဲ့အခန်း၊ ရာထူးနဲ့ လုံခြုံရေးကုတ်နံပါတ်တွေကိုပဲဖော်ပြထားတယ်။ ဘေးမှာတောါဘယ်ပုံးမှာရှာရမယ်ဆိုတာတော့ပါတာပေါ့ဗျာ။ ဒီအခန်းကိုရောက်ပြီးဘယ်
လိုရှာရမယ်ဆိုတာရှင်းပြတာနားထောင်ပြီးတဲ့အခါမှာတော့ကျနော်နဲ့တူတူတာဝန်ထမ်းဆောင်ရမယ့်တခြားကျောင်းသားမဟုတ်တဲ့
company executive အဆင့်ရှိတဲ့ adult volunteer နှစ်ယောက်သုံးယောက်လောက်ဟာတစ်ယောက်မျက်နာတစ်ယောက်ကြည့်ပြီးဘာ
ပြန်ပြောရမှန်ူတွေမသိဖြစ်ကုန်ကြပါတယ်။ ဒါနဲ့အတွေ့အကြုံရှိကြတဲ့လူတိုင်းပြီပြီချက်ချင်းထုတ်လိုက်တဲ့မေးခွန်းကတော့ဒီစာရွက်တွေရဲ့
မူရင်း soft copy ဘယ်မှာလဲဆိုတာပါပဲ။ print လုပ်ထားတဲ့ file အရ excel နဲ့လုပ်ထားတယ်ဆိုတာသိတော့ soft copy ရရင် excel နဲ့ရှာ
ဖို့လုပ်ကြမယ်ဆိုတာကိုတိုင်ပင်စရာမလိုပဲချက်ချင်းသဘောပေါက်လိုက်ကြတာပါ။ စိတ်မကောင်းစရာကတော့ soft copy လဲမရှိတဲ့အပြင်
computer တစ်လုံးမှလဲမရှိပါဘူးတဲ့၊ ပြောနေဆိုနေရင်အချိန်တွေသာကုန်သွားမယ်ပြီးမှာမဟုတ်ဘူးဆိုတာသိတော့ချက်ချင်းပဲမနက်
တာဝန်ကျတဲ့လူတွေစီကနေလက်လွှဲယူပြီးဒီလို manual ကိုပဲဘယ်လိုနည်းနဲ့မြန်အောင်လုပ်မလဲဆိုတာကိုစဉ်းစားပြီးတစ်မနက်လုံး copy တစ်ခုထဲမှာလူတစ်ယောက်ကဒိုင်ခံရှာနေပြီးကျန်တဲ့လူတွေက certificate တွေထုတ်ပေးတဲ့စနစ်ကနေ copy ကို ၃ စောင်လုပ်၊ လူ ၃ ယောက်ကရှာ၊ ကျတဲ့သူတွေကပုံးတွေမှာတာဝန်ယူဆိုပြီးစနစ်ကိုပြောင်းပြီးလုပ်လိုက်တာကျောင်းအားလုံးပေါင်း ၂၀ လောက်ကနေ
ကလေးအယောက် ၃၀၀ကနေ ၄၀၀ ကြားအတွက်လက်မှတ်တွေကိုထုတ်ပေးပြီးဖြစ်သွားပါတယ်။ ဒါတောင်စိတ်မရှည်နိုင်၊ ဖြစ်နေတဲ့ပုံကို
အားမရ၊ လုပ်နေကြရတဲ့လူတွေကိုသနားတဲ့ကျောင်းဆရာ၊ဆရာမတွေကနေသူတို့ကျောင်းတွေအတွက်သူတို့ကသူတို့ရှာပေးကြလို့ည
၁၀နာရီခွဲလောက်မှာအားလုံးလက်စသတ်နိုင်ခဲ့ကြပါတယ်။ မဟုတ်ရင်တော့မနက်ပဲမိုးလင်းမလားလို့တောင်ထင်ကြပါတယ်။

၁၇.၀၈.၂၀၁၀
ဒီနေ့တော့ရုံးကနေဆေးခွင့်ယူပြီးတော့ YOG ကိုနေ့လည်ပိုင်းတာဝန်ချိန်အတွက်ချီတက်ရပါတယ်။ တကယ်တော့သွားရမှာကြောက်နေ
တာအမှန်ပဲ။ certificate တွေတော့စောင့်နေမှာပဲဆိုပြီးတောလေ။ ဟိုရောက်တော့တာဝန်သတ်မှတ်ကြတဲ့အခါဘယ်သူ certificate room ကိုသွားမလဲဆိုတော့ကျနော်ပဲလက်ထောင်လိုက်ပါတယ်။ နောက်တော့ ITE ကကျောင်းသားကုလားလေးနှစ်ယောက်ကလဲသူတို့
လဲအဲ့ဒီကိုလိုက်မယ်ဆိုတော့အေးဆေးပေါ့။ သူတို့ကပုံးထဲကနေလက်မှတ်ထုတ်တာ professional ဖြစ်နေကြပြီလေ။ ဒီနေ့တော့ကျောင်း
တွေသိပ်မရှိတော့အေးဆေးဖြစ်သွားပြီ၊ မနေ့ကကျနော်တို့စီမံခဲ့တဲ့ဟာကိုပိုမိုကောင်းမွန်တဲ့စနစ်တစ်ခုဖြစ်အောင် modify လုပ်ထား
တယ်ဆိုတော့မဆိုးဘူးလို့ပြောရမှာပါ။ ဒါ့အပြင်ဒီနေ့မှာနောက်ဆုံးတာဝန်ကျတဲ့ individual volunteer တွေကိုပဲလက်မှတ်ထုတ်ပေးရ
မှာဆိုတော့အရမ်းကြီးဟိုနေ့ကလိုအုံးအုံးကျွတ်ကျွတ်ဖြစ်မနေပါဘူး။ ပုံမှန်လေးနဲ့ပဲပြီးသွားပါတယ်။ ဒါနဲ့နောက်နေ့ရုံးတက်ရမှာဆိုတော့
စောစောအိမ်ပြန်ဖြစ်သွားတယ်။ အိမ်ရောက်တော့ yahoo သတင်းပေါ်မှာ YOG ရဲ့ပြိုင်ပွဲကျင်းပနေတဲ့ ၃နေရာမှာအစာအဆိပ်သင့်ဖြစ်ပြီး
volunteer အယောက် ၃၀ လောက်ဝမ်းသွား၊ဗိုက်နာတဲ့ဝေဒနာတွေခံစားရတယ်လို့တွေ့ရတယ်။ ၁၉ရက်တော့ထုတ်သတင်းစာတွေမှာ
တော့စင်္ကာပူအစိုးရရဲ့ကျန်းမာရေးဝန်ကြီးဌာန၊ ပတ်ဝန်းကျင်ထိန်းသိမ်းရေးဝန်ကြီးဌာန၊ နဲ့ YOG ကျင်းပရေးကော်မတီတို့ကနေအသေး
စိတ်စုံစမ်းမှုတွေလုပ်သွားပြီး၊ အရေးတကြီးအဆင့်နဲ့သေခြာကိုင်တွယ်မယ်လို့ဆိုပါတယ်။ YOG ကာလအတွင်း ဒုတိယမြောက်
အစားအစာနဲ့ပတ်သတ်တဲ့ပြသနာပါ။

မြန်မာနိုင်ငံကိုယ်စားပြုအသင်းအနေနဲ့မြှားပစ်၊ ပြေးခုန်ပစ်၊ တိုက်ကွမ်ဒိုနဲ့အလေးမအားကစားတွေမှာပါဝင်ယှဉ်ပြိုင်လာတယ်လို့သိရပါ
တယ်။ တခြားအားကစားတွေအသံမကြားပေမယ့်တိုက်ကွမ်ဒိုမှာတော့တတိယနေရာလုပွဲမှာစလုံးနိုင်ငံကိုယ်စားပြုကောင်လေးကိုအမှတ်
တမှတ်ထဲနဲ့ကပ်ပြီးရှုံးနိုမ့်သွားရလို့စိတ်မကောင်းဖြစ်မိပါတယ်။ အကယ်၍ ဒီဆုသာ ရလိုက်ရင် ကျနော်တို့နိုင်ငံအတွက် ပထမဆုံးဆုတံဆိပ်တစ်ခုဖြစ်လာမှာပါ။ ဒီတတိယဆုဟာစင်္ကာပူနိုင်ငံအတွက်ပထမဆုံးဆုတံဆိပ်တစ်ခုလဲဖြစ်ပြီးဆုရတဲ့ကောင်လေး
အတွက်စထရိတ်တိုင်မ်းသတင်းစာမှာကော်လံပြည့်ဂုဏ်ပြုခဲ့ကြပါတယ်။ ခက်တာကဒီအားကစားမားရဲ့မိဘတွေမှာတော့သူတို့သားရဲ့
အောင်မြင်မှု၊ နိုင်ငံကိုယ်စားပြုအောင်မြင်မှုကိုမျက်မြင်ကိုယ်တွေ့အားပေးဖို့အခွင့်မရခဲ့ရှာပါဘူး။ Suntec City မှာကျင်းပတဲ့တိုက်ကွမ်ဒို
ပြိုင်ပွဲကိုလက်မှတ်ရဖို့နဲ့သားကိုအားပေးဖို့အတွက်တစ်နေကုန်စောင့်သော်လည်းရောင်းချတဲ့လက်မှတ်တွေအကုန်ကုန်နေတဲ့အတွက်
ဝင်ခွင့်မရတာဖြစ်ပါတယ်။ တကယ်တန်းတော့လက်မှတ်တွေအကုန်ကုန်နေသော်လည်းထိုင်ခုံတစ်ဝက်တောင်မပြည့်တဲ့ပြိုင်ပွဲကျင်းပရာ
နေရာကို live show ကနေမြင်ရတဲ့အခါမှာတော့စလုံးတွေတသောသောညံအောင်မီဒီယာပေါင်းစုံကဆူလိုက်တာဝန်ကြီးကိုယ်တိုင်ဒီဟာ
ကိုဖြေရှင်းရတဲ့စီရောက်သွားပါတော့တယ်။

ဖတ်ဖို့ဆန္ဒရှိသေးရင် ကျနော်နဲ့ Singapore 2010 YOG အပိုင်း (၅)သို့